شيمة ..شايب . بيتر السروات

شيمة ..شايب . بيتر السروات

السلام عليكم ورحمة الله وبركاته

اسعد الله ايامك ،،،

هذه سالفة شايب طلع هو وعجوزه من قريتهم على ذاك الشاص الي يحبه قلبك شاريه له ولده الكبير بر بوالده وتكريم لخدمات شايبة والشايب وعجوزه طالعين من صبح

في ذاك الجو الربيعي والغيوم والبراد ..

مروا السوق تسوقوا والي عليهم بالخير وكشخ الشايب قدام ربعا له

في السوق بالشاص الجديد وبعدها

ومرولهم قرايب في قرية بعيده عنهم

وقرب المغرب حرك الشايب وعجيزه ناوين الرجعه لبيتهم وشوي الا الاجواء تغير

وبداء هذيك العاصفة الممطرة مطر شديد وتعرفوا مطر الجنوب

شغل الشايب مسحاته وقال لعجوزه تجودي الطريق زلق ومطره وخفف السرعة

ويادوب يمشي اربعين ثلاثين ويالله يشوف الدرب في وسط هذيك الجبال

شوي ووسط هذه الاجواء الممطره والرواعد والصواعق ويشوف رجال على الخط ياشر تعداه بحوالي ثلاثين متر ووقف قالت عجوزه وراك يا ابو فلان

قال ما تشوفين الادمي وسط هذي الجبال والامطار

قالت تعرفه

قال لا ماعرفه بس تبيني اخليه بهذا الجو ما في قلبك رحمه افا وانا بو فلان

قالت شورك يا بعلي وهداية الله

اقترب منهم الرجال الي ياشر وفتح الشايب القزاز الا هو في هندي مسكين يقطر قطر من المطر ويرجف من البرد

قالت العجوز خله يركب في الحوض,,,

الحين الشايب يوم شافه لو ركبه في الحوض وصفقه الهواء يمكن يموت الهندي

قال الشايب ما كنا سوينا شي يام فلان الرجال يرجف ،،

قال للهندي تعرف تسوق قال الهندي وسنونه تصتك من البرد ايوه في معلوم

قال الشايب اركب محلي وجلس الشايب بالوسط ..

وعجوزه تقول الله يخارجنااااااا ،،،،

على بعد ميتين متر عند اول لفه حضربهم الهندي وطمر بالجيب من فوق حاجز

وتقلب الشاص ...

كتب الله لهم السلامه كلهم ونزل الشايب يدور عجوزه قال انتي بخير قالت

قلتلك الله يخارجناااااا

التفت على الهندي الا هو يصيح قال له الشايب انت ما تقول معلوم حسبي الله عليك

والهندي يبكي ,,,

جاهم المروور والاسعاف وكانو بخير والشايب تنازل عن الهندي وعلم العسكر بقصته وهم يضحكون على الموقف والشاص الله يعوض عليه فيه ...

وصلى الله على سيدنا محمد ،،،

وسلامتكم

دمتم بود ....

.

via منتديات مكشات http://www.mekshat.com/vb/showthread.php?t=601650&goto=newpost