إشتريت جمس :)

الحمد لله الذي أنعم علينا بكثير فضله

إشتريت شفر 91 2500 4X4

قير توماتيك

دبل أرضي

الحمد لله الموتر بدي نظيف مابه سمكره

مكينته وقيره بإذن الله ماعليهن خلاف

الأمر الأول : سؤال بشأن

فيه كتمه بالدعسه والدعسه ثقيله

إذا لفيت يكتم ثم يعطي

وأول ماأحرك او أشغل وأدعس له يكتم ويعط

وهو واقف إذا دعست له تعطي المكينة دعسة على كتمه

فمن لديه الخبره يفيدنا

مع العلم غيرت الآتي

بواجي , أسلاك بواجي , حساس فلتر الهواء , حساس الهواء

قادح البليتين , تنظيف البخاخات الكلبيلتر لأنه النوع المزدوج

===========

الأمر الثاني

وللحين ماطلعت به للبر

ودي أعدل الموتر تعديل هادي شي ينفع الموتر وما يكلف $

$$ خبركم بخيل وماأبغى التكاليف الزايده $$

ليفهم مفهوم التعديل الذي أريد

أنا مانيب راعي مقاومات

ولا راعي شب على الموتر

ولا نيب راعي مطاعس

بس أبغى إذا بغيت أطلع للبر يكون موتري جبر وصلف

ويطلع بي على راس النفود وأنا مرتاح

وأبغى الموتر للبر وللنقل وأبغاه موتر عاقل

يعني بشغله بنقل أي شي حديد غنم وما إلى ذلك

وهذا الموتر

وعساكم على القوة

via منتديات مكشات http://www.mekshat.com/vb/showthread.php?t=599658&goto=newpost